Peláez valora que Barbón espunxo "ensin frentismos" los intereses d'Asturies énte Sánchez

El PP cree que Barbón perdió "una nueva oportunidá" de defender a los ganaderos

El voceru del Gobiernu del Principáu, Guillermo Peláez, aseguró que'l presidente asturianu, Adrián Barbón, defendió con "un tonu mui constructivu" y "ensin frentismos" los intereses de la comunidá nel alcuentru calteníu ayeri col xefe del Executivu, Pedro Sánchez.

Según sorrayó, Barbón tuvo ocasión d'esponer la posición d'Asturies en materia de financiamientu autonómicu, al apurri-y el documentu robláu con tolos grupos parlamentarios, sacante Vox.

Nesi alcuentru, comentó Peláez, Sánchez espresó'l so "compromisu" de que se va abordar una reforma dafechu", al traviés d'un alcuerdu multillateral, que va dotar "de más recursos" a toles comunidaes.